眾歌手昨日出席「香港亞洲流行音樂節2016」新聞發布會，籌委會主席吳雨坦言製作費年年超支：「我哋要用好多人力物力先做到咁成功嘅活動，唔容易！」攜同師弟張可永出席的陳凱彤透露近日首次嘗試拍微電影，要與一位小妹妹做對手戲：「佢好好戲，同埋我專登帶啲小食去畀佢，因為佢有時會扭計。」
可嵐則表示日前帶兒子去為電影試鏡，想讓他接觸不同的事物：「佢要練一段戲，講落雨同畀蜜蜂針，佢演得好開心、好有童真！」而陳詩欣就自爆從未去過日本旅行，今年的目標是儲錢請家人去旅行及支付樓價首期。
