莊思敏超Deep V拋贏陳婉衡

新片《PG戀愛指引》前晚舉行首映禮，大會以「終極性感」作招徠，戲中女星崔碧珈、陳婉衡、莊思敏當然配合，其中莊思敏以灰色晚裝中門大開兼露背，Deep V Deep到落肚臍，稍勝穿着喱士上衣、四吋事業線幾近倒出的崔碧珈及以超緊身短裙晒四吋事業線的「無綫咪神」陳婉衡。

崔碧珈肉搏逼真

雖然女星們都表示性感無分輸贏，莊思敏笑謂性感造型一人負責一次，被問若新片票房成績好會如何慶祝？她謂若過千萬票房就穿比堅尼，在街上被途人用水槍任射！

崔碧珈則獲朋友購票入場支持，提到與陸駿光有肉搏戲，她說：「屋企人同朋友都問我拍個陣係真定假，我話梗係假啦！拍戲咋！」。陳婉衡被問為何不晒馬甲線？她說：「未係時候，想再練勁啲，一次騷晒下次騷咩！」

「無綫咪神」陳婉衡透露正苦練馬甲線。	崔碧珈的四吋事業線亦非常搶鏡。	自言保守的岑日珈僅以大露背示人。

岑日珈預告透視

岑日珈僅以大露背示人，笑指自己若與她們比併一定輸，保守的她亦許下諾言，若票房成績好，就會穿透視裝，僅遮蓋重要部位。陸駿光在戲中有兩場激烈床上戲，被問拍攝前可有向太太備案？他說：「有，但佢冇事，反而男同男會介意，不過怕佢睇完會問點解將我哋嘅嘢喺部電影出現！」

文：影視組