黎淑賢keep靚樣願做白老鼠

黎淑賢（Bonnie）昨日偕老公許智政出席經營之Angus’Beauty Concept旗下品牌Concentric成立典禮，一眾好友袁嘉敏、童愛玲、李樂詩及郭可盈胞弟郭可頌等紛紛到場祝賀。席間，眾人又跟老闆進行剪綵及祝酒儀式，場面熱鬧。

老闆許智政笑稱此次瞓身擴展業務，光是美容儀器已投資八位數，又盼以該平台聚集一眾醫生，以加強業界的服務：「希望集合多啲醫生工作，多醫生做就多賺啲錢，咁就可以買多啲儀器令醫生多啲嘢用。」太太黎淑賢表示平日湊仔多，故少理會公司的事務，但笑言會做老公的白老鼠：「我會幫佢試新產品，試過先安心畀客戶用。」

保養得宜的黎淑賢大讚老公許智政完美，更表示會為老公試用新產品。

袁嘉敏性感現身撐好友，並表示會勤做facial。

袁嘉敏做保養療程

問到可有想改善的地方？黎淑賢說：「相信女人唔會嫌自己靚，我仲有進步嘅空間，希望發明啲產品令人永遠唔會老，但冇乜可能，惟有希望延遲啲。」老公許智政則大讚對方毋須改善：「太太天生咁靚，都係搽下gel、敷下面膜。」黎淑賢亦識做地回應：「佢實在太完美，對佢冇嘢唔滿意。」

此外，穿低胸裙大騷三吋事業線及波邊的袁嘉敏，表示不時獲Bonnie邀請做保養療程，不過她指暫時不會接受打針的微調療程：「依家主力做演員，面部表情好重要，所以暫時做facial。（想整容？）我個鼻本身夠高，所以冇考慮，或者過多十年廿年老咗，又唔做演員先考慮。」

文：影視組