濱崎步獻澳門處女騷密謀唱入新濠影滙
有「日本麥當娜」之稱的日本歌后濱崎步，於剛過去的周日現身澳門新濠影滙綜藝館欣賞麥當娜（Madonna）的巡迴演唱會，造成雙天后坐鎮會場的局面。濱崎步深受綜藝館的音響及特效吸引，有意首次在澳門開騷！
入行18年的濱崎步有百變形象及華麗舞台風格，因而獲封「日本麥當娜」，她日前就到澳門新濠影滙睇麥當娜的巡唱，更於百忙中抽空接受本報訪問，談到麥當娜，濱崎步直言：「呢次係我首次睇麥當娜騷，感覺相當興奮！」對於獲封「日本麥當娜」，她說：「從未聽過有人咁叫我，哈哈！不過仍然覺得好榮幸。」
重視海外歌迷
濱崎步2007年及2008年曾舉行亞洲巡唱，她透露正籌備新碟，並打算今年再開亞洲巡唱，問今次睇騷會否令她也想澳門開騷，她即表示甚有興趣，還大讚綜藝館超乎國際水準的音響設備和舞台設計，相信她有望首次到澳門開騷。一向重視海外歌迷的她，不會忘記香港粉絲，更期望再到上海開騷，再會當地粉絲。
談到澳門，原來濱崎步多年前曾到當地為雜誌拍照，今次再臨，她讚澳門變得很美：「真係唔同晒，好似去咗美國拉斯維加斯咁。」此行濱崎步與結婚兩年的美籍老公Tyson Bodkin形影不離，受訪時，Tyson都陪伴左右，更不時為濱崎步拍照。
推介娛樂設施
身為潮人的濱崎步，今次到澳門當然不會放過到訪至潮新地標，她最想坐「影滙之星」8字形摩天輪，又想試玩新濠影滙中全球首個以蝙蝠俠為主題的4D飛行體驗《4D蝙蝠俠夜神飛馳》。訪問後，濱崎步即到《蝙蝠俠夜神飛馳》場館外騎蝙蝠俠戰車，又於駐場魔術大師Franz Harary主理的魔術滙演Mega Magic騷外留影，之後她又與賓尼兔公仔合照，再將相放上社交網分享，實行向歌迷推介新濠影滙的好玩娛樂設施。
文：外娛組