好姊妹勁興奮岑麗香：守秘密好辛苦

新娘鍾嘉欣撰寫公開信親證已婚，字裏行間不忘多謝一班好姐妹，包括李亞男、岑麗香、王君馨及苟芸慧的「守口如瓶」，沒有將其戀情對外透露一言半語。李亞男感性說：「替嘉欣感恩搵到生命至愛，祝佢哋幸福快樂，永結同心。我會飛去加拿大做姊妹，好期待同佢哋一齊分享呢個大日子。」又指嘉欣拍拖後即為老公認真學廚！苟芸慧則回應：「我梗係開心，姐妹結婚點會唔開心？溫哥華見啦。」岑麗香亦笑說：「我守呢個秘密守得好辛苦，連屋企人都唔可以講呀。我未見過佢老公，只係透過嘉欣電話同佢傾過偈，我覺得最緊要係佢錫我好姐妹啫。」