吳若希躍升星夢一姐
歌手吳若希（Jinny）與鍾嘉欣一直被傳爭星夢一姐，隨着嘉欣昨日公布結婚消息及暗示有喜，即令Jinny的一姐地位穩如泰山，正學唱歌的Jinny受訪時說：「恭喜佢，好羨慕佢喺事業攞到好成績後就組織好好家庭，公司裏面冇分一唔一姐。」
視后佘詩曼昨日出席活動時笑言早在兩個月前，已知鍾嘉欣認識了一個不錯的人，她謂：「兩個月前，我哋喺活動見過，佢同我講放假，我叫佢出去玩吓、拍吓拖，當時佢話識到個幾好嘅人，但當時我唔知係未婚夫定老公。」有否覺得嘉欣有喜？她謂：「唔覺得，佢都好fit、冇肚腩！（會唔會飛去溫哥華飲喜酒？）未必，佢應該會喺香港補擺。」
身為嘉欣好友的李思欣坦言聽到消息感意外，她說：「完全唔知，嘉欣份人好細心，佢決定得結婚，呢個一定係佢嘅真命天子。（傳佢有咗五個月？）佢不嬲都鍾意小朋友。」曾與對方拍劇的阮兆祥說：「佢結婚唔會覺突然，女孩子有拖拍，結婚都係好事。」蕭正楠則說：「聽到嘉欣結婚都幾突然，之前冇聽佢講過，冇諗過會咁快。」