鍾嘉欣突然宣布婚訊，一眾嘉欣BB的鐵粉均在網上直呼難過，但仍衷心送上祝福。同時亦有部分網民批嘉欣身為虔誠基督徒，竟隱瞞婚訊並否認，指她「講大話，犯咗十戒！」，但有些網民卻認為她只是低調處理私隱，也有苦衷。
除婚訊外，最令網民意外的是嘉欣被傳有喜！身為虔誠基督徒的嘉欣，雖表示在去年秋天求婚並於年底結婚，但如今卻傳有孕五個月，令網民對於其「中獎」日期起疑，笑言要為處女黨的她計算「破日」：「大家計吓嘞！依家傳有咗五個月，即係九月已有咗，但又話年底結婚喎！即係點？邊日係『破日』？好亂呀！」、「嘉欣BB係神的兒女，在神嘅旨意下當然有計算，嗱！呢啲咪係人算不如天算！」、「佢老公都好厲害喎，一求婚就成功造人？醫生係咪特別專業啲？」