周麗淇沖個涼險客死異鄉

周麗淇昨日出席慈善活動時表示，今年將參與更多慈善工作，包括到山區探訪。問到最難忘的探訪經歷，她直言差點命都冇：「嗰次去印度探訪，因為喺海拔高嘅地方，出現咗高山反應，到埗當日沖咗個涼，原來係唔可以，沖完個人血氣運行，所以沖完好暈，即刻要打針食藥！嗰一刻我嘴唇發紫，啲氣壓令到我個人脹晒，好驚！死咗半咁！（夠膽再去？）衡量吓自己能力，可能要揀地方去，唔適合去啲海拔高嘅地方。（探望時有冇試過喊？）不嬲唔會喺佢哋面前喊，背後就會。如果喊可能令佢哋會覺得自己好慘。」她又透露今年會以私人性質探訪智障人士，事前需上堂受訓。