祖兒飛到腰痛 啪丸救命
容祖兒與李克勤於過去20日過着「飛人生活」，克勤極攰搞到腳抽筋，祖兒亦腰背痛大發，幸獲克勤兩粒止痛藥救命，她又承認男友劉浩龍隨行當「湊仔公」。
剛完成美國巡唱返港的容祖兒與李克勤，原來過去20日間齊齊不停來回「中港美」三地，唱了兩場拉斯維加斯騷後緊接飛到長沙錄影《我是歌手4》，其後再飛返美國。克勤稱年初一只留港半日到父親家中拜年，幸好美國觀眾大派利是兼出動「美金銀紙花」，令他有過新年感覺。
爆男友做湊仔公
20日「飛人生活」中，克勤為免因各地溫差而病倒，帶備中藥補身，但完成最後一場演出後終於出現腳抽筋，而祖兒亦因中美兩邊飛，累得腰骨痛發作：「痛到我動彈不得，最後係克勤畀咗兩粒止痛藥救番我一命！」講到被發現男友劉浩龍同行美國，兩人聯同克勤一家遊大峽谷，祖兒笑說：「佢？佢好似係嚟咗一陣，嚟幫人湊仔做保母！唔好講呢啲喇！」祖兒隨即爆克勤喪食三打蠔：「佢仲迫大家陪佢食，聽聞話生蠔對男子漢身體好喎！」克勤「射波」指是譚詠麟教路：「佢話食生蠔唱歌有心有力，起碼一人食三打！」不過，兩人仍繼續過「飛人生活」，祖兒笑言要服定止嘔丸，因返港休息一日，兩人翌日又飛長沙可謂「見到嘔」，克勤則說：「咁又係！我又唔係邊個邊個，點會日對夜對唔厭先得！」
另外，向來俱潮流觸覺的祖兒昨日在微博晒靚衫，明顯超喜歡這一襲長裙，難怪一口氣留言狂讚：「這裙子又舒服又美又高貴又性感又開心又好玩又又又又，有時候，喜歡就是喜歡。」
文：音樂組