周秀娜貪靚衫鞋塞爆屋

擁有過百對高踭鞋的周秀娜昨日在鑽石山荷里活廣場出席「高跟鞋競跑大賽」名人試跑，她接受訪問笑說：「女仔梗係貪靚，有時返到屋企覺得好似唔係我住咁，全屋都係衫、鞋，都想捐出去。」周秀娜覺得最珍貴的高踭鞋是她首次工作賺錢，花了一半人工購買的高踭鞋：「呢對鞋有好多珍貴嘅回憶，着到殘晒都唔捨得掉，試過着住追巴士，追到鞋都甩埋。」