胡定欣陳庭欣搵教練健身減受傷

與張繼聰同樣練得弗爆身形的視后胡定欣，昨日受訪透露平均一周健身兩次，每次均有專業教練從旁指導，她奉勸大家切勿盲目追求操肌肉或人魚線：「每個人身體狀況、體形同脂肪分布都唔同，要做幾多，又或者做乜器材，最好有教練喺度好啲，冇人睇住好易用錯力受傷，其實唔一定大隻就係靚，瘦亦唔一定係好睇。」定欣自言脂肪不多，兼自小有跳舞，某程度上已累積了肌肉，故再配合適量運動便能事半功倍：「我上年年中先開始練，唔係話想操幾多舊腹肌，係練個線條，依家體能同精神上都有進步，最緊要啱比例，飲食都要配合。」