馬德鐘支持18歲子入行

藝人馬德鐘(Joe)、陳百祥及太太黃杏秀等昨日現身沙田馬場,專誠到場支持「仁愛堂盃」的Joe透露農曆新年期間與家人到哈爾濱旅遊一星期,欣賞雪景及冰雕。他又表示老婆張筱蘭因支持囝囝馬在驤出戰游泳比賽,故並未同行。提到囝囝遺傳了他的高大身形,會否成為他的接班人入娛圈?他坦言快將18歲的囝囝仍是學生,尚未清楚將來方向:「佢鍾意嘅話會話佢知娛樂圈係咩事,每個行業都有困難嘅地方或者發展,唔可以扼殺佢嘅意願,會支持佢。」另外,他透露現正洽談三月份拍攝內地劇的事宜,問他從事演藝事業多年,有甚麼角色他很渴望挑戰?他說:「乸型。可能我嘅外形冇乜說服力,不過咁樣反差反而大啲。」