陸永捱病 老婆心涼

藝人陸永昨日到長江實業旗下商場「宇晴滙」出席寫揮春活動，受訪時透露新年舉家去拜年，笑言幫兩女儲起利是作享樂基金：「佢哋第時買咩大嘢都動用呢筆錢。」講到席上有幾聲咳，他透露最近忙於拍劇、籌備棟篤笑及跟鄭裕玲與C君拍節目：「今次節目叫《Do姐有問題》，重點係睇佢點鬧我哋。（財多身子弱？）唔係！我係體弱多病，冇乜點休息。」問到老婆可有心痛？陸永搞Gag：「佢心涼！但依家全家都病咗，我哋好似C AllStar咁，四個係咁咳大合唱。」講到今日元宵節，他指不會特別慶祝，現時亦很難二人世界：「依家係家庭式浪漫，有時夜晚老婆嚟接我收工已經好正（口架）喇。」