胡定欣黐林夏薇 王君馨企歪

劇集《公公出宮》一班演員蕭正楠（Edwin）、曹永廉、胡定欣與林夏薇等昨日出席宣傳活動，期間玩鬥演技遊戲，Edwin竟玩謝好兄弟阿廉，首先叫觀眾上台打其屁股，及後又要他模仿戲中「玉莖重生」的表情，阿廉玩到反晒白眼，全場爆笑！

扮「莖」反白眼

事後，Edwin被問到為何玩謝阿廉？他抵死地說：「阿廉扮『莖』，佢成個樣都係咁啦！」對於收視報捷，他表示公司祝捷外，將待黎耀祥登台返港後再私下約食飯：「阿廉話去佢間舖頭食，喺執之前請大家食飯！（有冇幫襯過？）有！佢都好慘，做乜生意都咁，希望佢可以低處反彈！」愈說愈興奮的他咬實對方不放，笑指阿廉的心智仍像小朋友：「佢外父John哥（姜大偉）都係大佢少少，好似同年添！」最後可能驚玩出火，Edwin讚番阿廉劇中表現好，望對方能於年底頒獎禮獲提名。談到是日元宵節，與女友黃翠如一同拍劇的他坦言，屆時一個外景、一個廠景，未能共度佳節，但已經「做咗嘢」！

蕭正楠（左）迫曹永廉（右）重演「玉莖重生」，搞到對方反晒白眼！	蕭正楠與唐詩詠晒心形手賀元宵，唔怕扭耳仔？	胡定欣、林夏薇與王君馨全程零交流，上台時唔多願行埋一齊。

全程零交流

近日有指林夏薇聯同胡定欣杯葛同劇的王君馨，現場所見，定欣與薇薇儼如孖公仔，相反君馨則站另一邊，甚少交流。活動完結時，記者要求三人合照，定欣起初甚為抗拒，擾讓一輪後才肯聯同薇薇及君馨合照。對於傳杯葛君馨一事，薇薇說：「亂講！識我嘅人都知我係咩性格，多謝幫我哋宣傳。（君馨話私下冇同你食飯！）私下都會成班人食飯，有時間都陪老公同家人，因為大家都好忙。（話君馨同你下跪講Sorry！）點會有呢啲事。」

另外，對於視帝黃秋生將客串黎耀祥的處境劇其中兩集，問到定欣可會自薦參演？她說：「到時我應該喺隔籬廠開緊第二套劇，但知佢套劇係講電視台，祥仔演監製，到時會有唔同演員客串，話唔定我都可以演出！」

文：影視組