梁雨恩平胸為傲：冇嘢可以跌！

昨日有十九首歌曲MV獲得獎項，當中鄭俊弘（Fred）和鄭融均言首次獲得MV獎，問到Fred可有興趣操刀拍MV？他說：「都想呀！（可親自選女主角？）我想搵夏萍Apple姐、白茵姐，我哋都有合作過，拍吓親情題材。（咁第一女主角揀邊個？）呢個又未諗到喎。」

鄭融識慳錢

鄭融稍後有機會到美國工作，她想趁機到充滿陽光的地方拍攝新歌MV，隨時拿相機、手機便拍到。被讚懂得為唱片公司慳錢？阿融笑言：「咁其實依家都興Home Made製作，唔識咪學到識囉！」

昨日一眾女歌手中，以Cathy打扮最性感，以黑色透視裝透黑Bra，但她笑言其實好密實：「係意識形態上性感，但自己第一次攞MV獎，都要尊重大會揀件少少意識形態性感嘅衫，所以都做足防走光措施，好安全。（有冇為效果『僭建』上圍？）我為我平胸而驕傲(口架)！OK啦，反而有啲衫太過波濤洶湧，感覺有啲暴露。（今日咁係最大底線？）總之健康就可以，我身形嚟講就算再少布都OK，因為唔會再有乜嘢可以跌出嚟！」

鄭融稍後將到美國，會拍自家製MV。	右起：Regen、鄭俊弘、鄭融及糖妹都為攞獎而來。	JW

同場的導演陳果擔任頒獎嘉賓，他坦言MV很難拍，愈短的片愈難，笑言：「所以唔敢拍呀，怕『露底』呀！」

文：音樂組