Jeana有人追 話唔埋閃婚
藝人何佩瑜（Jeana）、何浩文（Dominic）與文凱玲昨日到旺角宣傳新戲，向途人派發湯圓慶元宵。問到如何慶祝？Jeana笑言相約大班朋友到家打邊爐，單身的她又自爆獲風水師贈言，指她隨時閃婚：「師傅話我31歲結婚，仲話我會有一仔一女。我依家27歲，但對象都未有，可能隨時閃婚！」Jeana直認有人追，惟她傾向找圈內男友：「睇唔啱！食餐飯都想快啲返屋企，對方唔係呢行人，佢講太空話，我講地球話。」
至於Dominic表示早前的情人節未有陪伴空姐新歡唐紫瓊度過，因在美國拍攝MV及洽談生意，笑言一定會補祝，而晒事業線的文凱玲則自爆元宵冇人約，故約朋友欣賞麥當娜的個唱解悶。