吳若希元宵下廚 自誇娶得過
人逢喜事精神爽，日前自爆與圈外男了解中的吳若希趁元宵佳節炮製「金箔煎堆」，取其「煎堆轆轆」團圓好意頭。自稱入得廚房出得廳堂的她自誇娶得過，對於「新歡」年紀及身世，直認未摸清對方底牌！
準備墮入愛河的吳若希（Jinny）應驗風水師所講「年初會出現真命天子」，她日前出席活動時承認獲認識多年的圈外人追求，但因不想亂投放感情，決定花時間觀察對方。趁着元宵佳節，Jinny首度自創奶皇餡煎堆，見她製作過程有板有眼，還花盡心思在炸好金黃色煎堆面放上金箔，寓意其姻緣又甜又圓，早日締結良緣。
爆新歡欠細心
講到拍拖在望，Jinny透露相士指她會遲婚，問到會否視「新歡」為結婚對象？她說：「唔會！都未睇定，依家都係了解中。（仲欠啲乜？）細心會加分，同埋可以喺我唔識嘅領域幫到我，令我個心定啲。」問到如對方突然求婚會否接受？Jinny笑說：「我娶得過（口架）！求婚可以，但講明30歲先會結婚。」
不時與Uncle輩傳緋聞的Jinny坦言年紀不是問題，最重要愛錫及珍惜自己，問到有否起定「新歡」底？她說：「有待研究，仲未摸清，相信從相處會知道更多。」問到會否介意「新歡」是失婚男又或者有小朋友？5月踏入24歲的Jinny說：「首先我一定唔會做第三者，過咗去嘅唔介意得太多，如果對方有小朋友就要睇吓相唔相處到。」
文：音樂組
攝：劉智源
服裝：Amber
場地：都會海逸酒店