琦琦跳瘀腳讚Eason可愛

影帝任達華和名模太太琦琦前晚到澳門新濠影滙欣賞麥當娜澳門站演唱會,對於陳奕迅(Eason)幸運獲邀上台,琦琦讚Eason台上表現得好可愛:「以Eason今日地位,我真係覺得佢好可愛,(如果邀你或任達華上台?)我都會照跳舞(口架)。」而任達華和琦琦前晚看完騷後,直落到新濠影滙的Pacha Macau的騷後派對繼續跳舞,兩人會合郭富城御用排舞師Sunny Wong與模特兒太太洪華(Angela),邊飲邊跳舞,由於任達華要準備昨日離開澳門,故前晚提早返房休息,而琦琦則玩到凌晨兩點離開,琦琦說:「今朝發覺腳趾瘀咗,唔知係咪跳到瘀咗。我會留多一晚玩最想玩的新濠影滙的8字形摩天輪和4D蝙蝠俠黑夜飛馳。」

而另一名媛薛芷倫表示Eason上台是全晚最精彩部分:「尋晚最精彩嗰part梗係Eason上台,全場都歡呼,好有歸屬感,Eason都好合作佢好有表演經驗,同麥當娜配合晒,好好睇,如果佢哋合唱一曲更加好。」