Eason難忘一夜食蕉回味
獲麥當娜贈送蕉的Eason，前晚離開場館時成頭汗，邊吔蕉邊跟大家開心share，形容似去了另一空間，他笑說：「好緊張，麥當娜喎！（點解上台？）當麥當娜話覺得台下嘅觀眾好似靜咗啲，唔夠high，我即刻諗起自己嘅演唱會，啲歌迷都成日係咁，感同身受。我之前一直好投入係咁跳，我知娜姐見到我，所以工作人員就請咗我上去，我亦二話不說上台。」
提到Eason於台上仆倒膝蓋跪地，其經理人甘菁菁解釋：「當時佢冇乜點痛，仲一個蜈蚣彈，可能開心得滯唔覺痛，事後Eason有話我聽痛，不過冇乜事。」麥當娜完騷後昨留言感謝觀眾，但就沒有提到Eason。
事後Eason又在社交網上載多條與麥當娜共舞片段，留言超級開心、非常刺激，還稱自己是「naughty boy」（頑童），是人生中最難忘一夜；徐濠縈也轉載老公被打patpat段片，寫住「Battle」加笑到喊符號。