鍾麗淇最壞打算攜囡返老家
在加拿大多倫多出生的藝人鍾麗淇昨日出席活動，憂心透露仍未為患有先天性疾病的大女Isabella物色到心儀小學，坦言自己已作最壞打算，攜囡囡返回老家多倫多繼續學業，為愛女忍痛離開生活了17年的香港居住地。
藝人鍾麗淇（Margaret）和名模Ana R.昨日一同出席慈善活動，Margaret透露前晚因要照顧染上風寒的細女Michela，故睡眠質素很差，而大女Isabella又同時在扭計，踢晒腳的她笑言惟有找老公幫手照顧大女：「我同細女瞓，老公就同大女瞓。」
唔想離開香港
Margaret續透露整晚睡眠不足另有原因，她憂心忡忡表示為對於患有先天性疾病「四號染色體缺損綜合症」的Isabella快將完成特殊幼稚園課程，但還未物色到特殊小學感到困擾：「因為佢由細到大都係學英文手語，要讀國際學校，但係特殊國際學校要排期四、五年，加上每月學費要三萬幾，你話點算？」在多倫多出生的她，坦言雖然自己性格鬼妹仔，但絕不想離開居住長達17年的香港，可是她亦忍痛表示已作攜囡囡返多倫多繼續學業的最壞打算：「其實我好唔想離開香港，希望香港可以畀多啲機會（殘障人士），如果真係冇辦法先決定離開。」
Ana R.想追仔
而Ana透露現12周大的女兒Maya長得很快，連浴盆也幾乎不適用：「頭同腳差唔多頂住，佢比同齡BB較長，我諗緊係咪要換個新嘅。」又稱女兒很乖巧及喜歡笑。堅持餵哺母乳的她，表示每隔三、四小時便要儲起「食物」給女兒：「每次出門前要預備好晒所有嘢。（幾時停餵？）六個月，依家已經三個月。（會追多個？）順其自然啦，可能有驚喜。」又直認想追B仔。
文：名人組