藝人陳嘉桓（Rose）昨日以和風浴衣Look在灣仔會展出席「C3日本動玩博覽2016」開幕日，她表示會趁機睇吓動玩周邊商品：「自己鍾意儲File、貼紙同毛巾。（儲咗幾多？）好多買咗唔捨得用，File都有幾十個。」
問會否買變身器玩？她笑謂：「細個就跟佢撳完掣鏗吓自己個頭，最後鏗到瘀咗。」此外，日團SKE48昨派出大矢真那、北川綾巴、野島樺乃、江籠裕奈、後藤樂樂及柴田阿彌來港出席動玩博覽，近千粉絲捧場，她們唱跳大熱歌曲，又講廣東話冧粉絲。
