陳婉衡崔碧珈事業線大戰
演員陳婉衡、崔碧珈等前晚出席宣傳電影活動，陳婉衡與崔碧珈上映「咪神」大戰，正面交「峰」，前者拋出4吋事業線，「峰」頭力壓後者的3吋「胸」湧波濤。
演員陳婉衡、崔碧珈、岑日珈、莊思敏等前晚打扮成啤酒妹在蘭桂坊宣傳電影《PG戀愛指引》。陳婉衡以4吋事業線技術性擊倒3吋「胸」湧波濤的崔碧珈，她表示：「唔係，件衫係配合宣傳訂造，試嗰陣條腰好多肉有啲肥，之前拍戲練鋼管舞減肥練到少少腹肌，希望練成馬甲線，大家會將個焦點移落少少。」問她電影首映時會否真空上陣？陳婉衡說：「考慮緊。（其他女仔妒忌？）唔會，最開心係成班女仔都好friend。」敗陣的崔碧珈不服輸說：「係咩？唔係咁睇嘅，呢套衫睇唔夠，戲裏面仲激。（下次性感反擊？）唔鍾意比較，各有各靚，件衫已經好性感，如果唔係下次要着泳衣出嚟。」
岑日珈父已出院
而岑日珈的爸爸近日因心臟病發入院，情況危急，她前晚受訪透露好消息指爸爸已經出院，當時爸爸因心律不正常，曾經心跳停頓。岑日珈說：「爸爸一向有心臟病，醫生叫佢裝心臟起搏器，但佢唔做手術。去到醫院都嚇親，爸爸面都青晒，以為佢唔得，不過依家已經出院，會轉去私家醫院做檢查。」岑日珈子宮內也長了一個巨瘤，她說：「三月會做手術，醫生話個瘤屬於不良腫瘤，但未去到惡性，都擔心有後遺症。（擔心影響生育？）醫生話我要停止食依家隻藥一年後先可以生，但我暫時冇咁嘅需要。」
文：影視組