胡定欣唔急嫁讓畀蕭正楠
曹永廉、胡定欣、蕭正楠等出席劇集祝捷活動，此劇收視最高達33點，除了之前阿廉、定欣指再高會穿低胸裝外，祥仔都揚言會準備滿漢全席，而眾人亦乘機向蕭正楠及定欣催婚，阿廉笑指怕定欣個肚等唔切呢！
黎耀祥、蕭正楠、曹永廉、胡定欣主演的無綫劇集《公公出宮》播映以來收視節節上升，前晚第八集平均32點，最高達33點，成近一年半以來，第一及第二線劇最高收視紀錄（不計大結局）。昨日，戲劇科高層曾勵珍、監製羅永賢連同眾演員於將軍澳出席祝捷會，眾人開香檳慶祝，而黎耀祥則因身在美國未能出席，不過他亦於微博起哄：「怕且不單阿廉要做低胸裝女侍應，我都要準備一餐滿漢全席！」之後，曹永廉即轉移視線，叫蕭正楠結婚慶祝，連定欣都表示已準備好人情，豈料蕭正楠連消帶打反擊：「留番定欣先，情何以堪呀！我好忙，忙拍劇！」在旁的阿廉即搞笑謂：「咁就真係要睇吓個肚等唔等得……我係話定欣呀！」
王君馨否認被杯葛
而定欣昨日出席活動時表示聽到收視消息好開心，對於蕭正楠指要結婚都會讓她先，定欣謂：「吓！佢份人情我已經儲定咗，我睇好佢同佢BB（黃翠如）。」此外，對於眾人睇好阿廉會憑劇中角色奪獎，阿廉坦言對獎項不大渴望，有班兄弟撐他已很足夠。
另外，提到有指定欣與林夏薇聯手杯葛過分主動的王君馨，定欣稱多謝這些報道幫套劇宣傳，而君馨聞言亦澄清：「冇喎！冇畀人蝦，我哋成個劇都拍得好開心。」
文：影視組