拉隊「派馳」盡興

麥當娜世界巡迴演唱會的大中華區壓軸騷，今晚於澳門新濠影滙隆重舉行，出席睇騷的巨星亦隆重其事，睇騷之餘，更各自安排了餘興節目，名模琦琦悉心安排行程，她透露：「上次同囡囡嚟過玩4D蝙蝠俠夜神飛馳，好好玩，今次一定encore玩多次，我仲約咗好友Angela（模特兒洪華）玩全球得一個的8字摩天輪和睇魔幻間，老公（任達華）第日要做嘢，未必陪到我。」據知其他巨星亦有個別安排，務求體驗一站式娛樂享受，而今晚完騷後，在度假村內的「超級派對熱點」澳門派馳繼續舉行大型的after party，將麥當娜騷的火辣氣氛，推至最高點，故眾星將雲集派馳狂歡的機會較高。