馬天佑墮黃牛陷阱報警求助
形象指導馬天佑前晚帶同父母及好友欣賞麥當娜演唱會，騷後的他在instagram爆seed透露誤墮黃牛陷阱：「幫襯網上黃牛飛，點知入咗訂金然後面交時比畀埋尾數既o既時候，買家竟然冇出現到仲要潛咗水，電話熄機，whatsapp唔覆，最後只好搵警方幫手。」
馬天佑受訪時自認蠢被騙財：「上網搵到有人賣飛，傾完入晒錢，原本約咗我同事去港鐵交收飛，點知一到時間唔出現，都知賴嘢，跟住即去報警，覺得自己好蠢。（呃咗幾多錢？）萬幾蚊。」愈講愈火的他說：「火都嚟，最後託朋友再幫我買到四張飛，唔想令爸爸、媽咪失望，因為佢哋第一次睇麥當娜演唱會。」