李玟為《我》攞靈感
前晚麥當娜尾場開騷眾星朝聖，近日參戰《我是歌手4》的樂壇天后李玟和老公孖住到場觀賞，騷後她大讚個唱帶來莫大驚喜！她說：「今晚可以為我參加《我》拎到更多靈感！我今晚已經盡早趕嚟，睇係都錯過咗開頭部分，真係好可惜，寧願佢遲啲開騷。我自細已經好鍾意佢，佢係我偶像，呢個騷真係好震撼，每個部分都好仔細，睇到好想喊！」
至於騷前在微博留言「溫馨提示」麥當娜準時開騷的鄭裕玲，騷後狂讚好睇，她說：「成個Show超正！最鍾意飛嚟飛去嗰part，好開心聽到好多好聽嘅舊歌！」而邵美琪則表示首次睇麥當娜個唱，更笑言已在吳君如得到的花球中拿了一小撮作留念！
