洪卓立打機唔留手辣慶湯怡

歌手洪卓立（Ken）與女友湯怡再以情侶檔吸金，前晚齊齊落場「砌」新遊戲，雖然兩人感情穩定，但遊戲機上冇情講，Ken一度叫停女友給予他學習新招，慘被男友「KO」的湯怡即發老脾，喝罵對方：「又叫我停，又不停咁打我。」未知死的Ken反發晦氣說：「你做乜嘢啫？！」

打到標晒汗兼面紅紅的湯怡直指男友是「機癡」，閒時兩人會在家「切磋拳技」，問到她有否試過因打機遭男友爆粗對待？湯怡說：「冇，當佢唔讓我會有少少嬲，不過好快就冇事。（打到唔瞓覺？）會夜瞓啲，其實打機唔係壞事，只要唔係過分沉迷，同埋好過佢出咗去唔知做乜。」

對於剛過去的情人節，湯怡透露與男友在家中炮製晚餐，並大讚男友夠浪漫，她說：「講好咗唔送禮物，點知我喺年廿八執屋時，發現櫃頂有盒嘢，當然我冇即刻拆穿佢，大時大節佢會花心思去氹我。」問到何時拉埋天窗？湯怡說：「大家有共識唔係呢幾年嘅事，畢竟都拍咗咁耐拖，只係差一個步驟。」

文：音樂組

洪卓立打機唔留手 辣慶湯怡