廖碧兒險遇舊愛 陳瀅傍實四太睇騷
國際天后麥當娜首度來港開騷，吸引一眾港星、名人捧場，包括廖碧兒、蔡一傑、陳敏之、李嘉欣與老公、何鴻燊四太梁安琪及女兒何超欣、兒子何猷亨及女友陳瀅等。身為星級粉絲的廖碧兒到場時，跟舊愛林忠豪及其女友擦身而過，她說：「睇騷令人好投入，好少巨星行番出嚟開騷。（擔心麥當娜遲到？）有時差都好正常，唔介意等。」
四太被問到是否帶埋未來新抱陳瀅來睇騷？她似扮聽不到而未有回應，再問是否仔女帶她睇騷？她說：「係我自己想睇，想與時並進，都想啲仔女懷舊知道我嘅年代興乜。我好鍾意睇麥當娜跳舞！（你後生時都係跳啲咁Sexy嘅舞？）唔覺得佢啲舞Sexy喎！」李嘉欣拖實老公許晉亨入場，粉碎情變傳聞，但她以頸巾及大褸遮肚孕味濃。
至於陳敏之表示前晚仍周圍撲飛，幸好最後買得最貴的2,488元門票：「唔係買黃牛飛，係原價買！我係第一次睇麥當娜演唱會，仲係第一次買咁貴飛，但覺得幾多錢都值得。」
身穿皮褸的蔡一傑自爆身穿麥當娜Tee作支持：「我由紐約追到嚟香港，希望佢今晚表演得好！」又自爆尾場買了最貴門票，與伍詠薇及草蜢另外兩成員一齊睇。而亞博今晚將舉行酒會，請得同是「娜迷」的時裝設計師何國鉦、鄭裕玲及黎耀祥等出現，其後再入場欣賞麥當娜尾場個唱。