唐詩詠陳嘉莉眼神打招呼

藝人唐詩詠昨日出席「第82屆香港暨情人節婚紗展」，並擔任模特兒打頭陣行騷，她表示在情人節行騷別有風味，笑言：「感覺似結婚咁。」問到男友洪永城有否來捧場？她表示沒有，昨日情人節如何慶祝？她謂有親戚返港吃團年飯慶祝，不過未有男友份，記者笑指她唔夠sweet，詩詠即尷尬說：「咁講嘅！唔一定今日慶祝(0架)嘛。（有冇收花、禮物？）冇呀，可能12點先有。（期待？）其實都戥佢慘要諗節目，自己唔係太在意呢個節日，我覺得相遇紀念日緊要啲。」記者指他們在拍攝中相遇，後來她糾正拍拖紀念日才對，更謂希望將來於拍拖紀念日結婚。

讚靚定覓到幸福

提到與同是崔建邦舊愛的模特兒陳嘉莉（Kelly）同場，會否尷尬？詩詠大方表示：「唔會，大家今日都咁靚。（有冇傾偈？）冇，大家都要行騷，換八套衫，有眼神打招呼。」記者曾要求二人合照，但大會刻意安排二人前後腳受訪，對此詩詠說：「其實大家都係行騷，做嘢要專業。」會否跟Kelly交朋友，鼓勵她重新振作找到幸福？她說：「佢今日咁靚，大家唔使擔心佢，佢會搵到佢嘅幸福。（崔建邦有新女友？）冇去了解。」

唐詩詠大讚陳嘉莉漂亮，一定會找到幸福。	陳嘉莉	唐詩詠與崔建邦再見亦是朋友。

要光明正大拍拖

至於Kelly表示與詩詠在後台有打招呼：「我哋頭先有say hi，（大會有意唔安排合照？）唔知喎。（怕尷尬？）佢應該大方嘅，我都唔會尷尬。」上月才與崔建邦分手，問到心情如何？她表示很輕鬆，記者指她過lonely情人節，她說：「唔緊要啦，今日人日。（崔有新女友？）唔知呀，我都祝福佢，如果佢有女朋友會公開。（同你拍拖嗰時好遲先公開！）都唔係，拍拖冇耐已經公開。（將來拍拖會低調？）最緊要開心。（開心就唔介意被收埋？）要光明正大嘅。」

文：名人組