陳嘉寶回復「單身」即蒲

陳嘉寶昨日以一身和服打扮出席活動，自爆男友到新加坡出席友人婚禮，笑言回復單身：「今晚已經約咗成班朋友出去玩，有男有女，但有同男友講。我有異性埋身，佢都會適量地呷吓醋，咁我自己都會落閘落得好快，所以佢好放心。佢都會有啲異性埋身，但佢個樣易認，啲傳媒、朋友會認得佢，幫我(目及)住佢，所以我都好放心！其實兩個人喺埋一齊最重要係講信任，我哋都好信任對方。」她直言男友是「Mr. Right」，但未有結婚計劃，只是拜年時被親戚催婚！