傅穎接指令 過年勒住肚皮
春風得意的傅穎（Theresa）之前大方承認戀上內地男生，今年31歲的她可會做猴年新娘？她笑說：「有啲趕，應該唔會。」但她承認被母親催婚。她笑說：「佢每年生日願望都係希望我結婚，佢覺得我呢個年紀都應該需要結婚，基本上親友每年都會問一問：『幾時帶男朋友返嚟睇吓？』因為我其他表兄弟姊妹差唔多都結晒婚，仲有好多有小朋友。」
信奉觀音過年食齋
雖然已經到了適婚年紀，但Theresa笑言不心急結婚，她笑說：「我係全家人入面最唔心急嗰個。」問到會否跟男友拜年？她笑說：「應該冇喇，因為各有各忙，大家明白嘅。」今年難得可以在港過年，Theresa會跟親戚朋友拜年：「已經係一個習俗，要同親戚朋友(手豆)利是。」她笑言屋企新年都有很多習俗，例如初一至初三都不能洗頭，又不可掃地。她說：「我屋企信觀音食齋，新年嗰幾日會唔停咁食。」
被導演嫌棄急減肥
身形苗條的Theresa自爆為食，但因為新年後要開工，已被導演勒令她要減肥。她笑說：「之前我拍咗套着旗袍嘅電視劇，嚟緊要拍第二輯，導演希望我繼續參與。日前佢傳短訊畀我，佢叫我唔好再肥，哈哈，我應承佢呢個新年唔食咁多嘢，盡量忍住。」問她是否拍拖太開心致心廣體胖？她笑說：「主要係我好鍾意食嘢，如果我唔係做呢行，我冇可能係咁嘅身形。」Theresa坦言不滿意自己身形，所以要努力節食及做gym，因為今年她有連串計劃，又拍戲又唱歌，仲要出書出公仔。
文：音樂組
Hair：Jerry Liu
場地：海港城