柯嘉琪唔怕醜硬食檸檬
藝人柯嘉琪（Kiko）及楊正軍等昨日於美孚參與慈善賣旗活動，首次賣旗的Kiko笑言自己不怕醜，故無懼被路人請「食檸檬」：「我之前會探老人家，賣旗就第一次。（唔怕食檸檬？）有人直行直過，但我唔怕醜，做善事要盡力。」她透露目前正洽談接下舞台劇演出，故要忙於練氣以增強唱功。
Kiko笑言日前去求籤，無論事業、姻緣及自身均求得上籤。講到姻緣運，Kiko大爆情人節有人約，對方更預告將送上貴價靚花，令她笑指要性感赴會，Kiko說：「有圈外男士約我，追咗我半年。佢份人都幾幽默，仲話今年啲花成五千蚊，好貴。（情人節着靚啲？）着性感啲！」
