張致恒餵飽莊端兒
藝人張致恒（Steven）與模特兒女友莊端兒（Xenia）感情穩定，不時在網誌「放閃」，前晚兩人拍拖BBQ，手持兩支叉的Steven上載與女友合照到Instagram，抵死寫下：「其實兩個人燒嘢食都幾開心，不過……真係燒嘢食，我燒嘢，佢食。」明顯為女友服務。
Steven昨日在電話中說：「拍拖咁耐一直話去燒嘢食，但冇次成功，一想燒就落雨。（預祝情人節？）唔係，情人節會食餐好。」問到會否趁機求婚？Steven保持神秘說：「求婚呢啲遲啲先講，食咗飯先啦！」至於是否已準備情人節禮物？Steven說：「我哋之前已經買咗禮物送畀大家，我送咗個粉紅色咖啡機畀佢，佢就送咗部粉紅色手機畀我，兩樣都係情人節限量版。」