龍劍笙靠呷醋養生

粵劇名伶龍劍笙（阿刨）雖然已屆72歲，但動作靈活如猴子，都是拜過往數十年的練功所賜，紅褲子出身的紅伶，都是體態輕盈，肢體動作敏捷。原來阿刨仲有獨特養生之道，為了食得健康，平日出街食飯，必定帶一支私家醋傍身，佐以餸菜，既健康又美味。
勤練氣功的龍劍笙，體態輕盈。
勤練氣功的龍劍笙，體態輕盈。

問她有何養生秘方？阿刨說：「冇乜秘方，飲多啲水同瞓多啲覺，仲要多做運動，我喺加拿大一直有練氣功同做柔軟體操。」飲食方面，她表示自己向來食得清淡，令自己腸胃更清：「煎炸嘢唔食，魚菜湯一定有，要少肉！」阿刨靠把口搵食，問如何養聲？她說：「冇事唔好講咁多，我唔係特別好聲，所以少啲出聲就養到。」

龍劍笙向《東網》透露飲食秘訣，戒煎炸食物。
  • 龍劍笙向《東網》透露飲食秘訣，戒煎炸食物。