謝安琪患情緒病 幻聽幻覺

阿Kay到電台受訪時，談及當初唱片公司跟她簽約時，表明娛樂事業所承受的壓力是她所不能預料，人紅自然是非多，來自四方八面的無數聲音攻擊，最令阿Kay接受不了是被大做文章指她與有家室的男人有染，她說：「最傷我心，因為咁會牽連其他人，我唔想影響人哋。」結果2009年她患上情緒病，回憶起當時試過有幻聽、幻覺，阿Kay說：「試過走喺街度覺得有石頭向我衝來，嚇到我要踎低，又試過同屋企人食飯時無故流淚，但抹完都唔知自己喺度喊，當時精神壓力大到我謝絕見人，幸好治療後慢慢好過來。」

讚老公修行高

當時飽受非人生活煎熬的阿Kay，感謝老公張繼聰的支持，她指阿聰當時同樣承受壓力，程度絕對不比她少，但他獨自往身上扛，在她面前展現堅強、裝硬朗，不斷對她說道理、安撫她的情緒，阿Kay說：「但我知佢都好難過，佢嘅修行真係好高，慶幸我哋從來冇喺對方身上爆發情緒、冇發洩，否則就冇今日嘅我哋。」

謝安琪接受電台DJ梁泰來的訪問。	在低潮期，謝安琪慶幸得老公張繼聰的開解。	謝安琪要規行矩步做兒子的榜樣。

兒子令她成熟

而兒子張瞻是她人生轉捩點，讓她知道要學懂成熟，要熱愛生命，要顧及他人感受，做一個更好的人作為兒子的榜樣，阿Kay說：「阿聰常言道你唔能夠阻止呢個世界犯錯嘅嘢，唔使咁而唔開心，你可以教導佢點樣面對。」再次談及內地演唱會「被取消」，她直認愧對歌迷：「內地十場騷遭擱置，其實有啲已經畀咗訂金，可惜要取消，只能講係好複雜原因。我又做唔到啲乜，得個急字，對歌迷真係好內疚。」

文：音樂組