陸浩明煮飯仔搞搞震
藝人陸浩明（6號）昨日在天水圍出席商場活動，問到今日情人節打算如何與女友Ayan度過？他坦言寧在家中煮飯仔，但自己就純粹等食：「我廚房黑洞嚟，淨係搞事！」在台上望小朋友望到兩眼發光的他直言恨生B，所以預計一兩年內結婚，又謂向肥媽拜年時遭對方催結婚和買樓：「我就叫佢同我拍多兩輯（《食平D》系列），等我搵多啲外快，等樓價平多兩成就買到。」
談到日前6號在網上公開一條key圖app片，叫網友估「餅印」的女方是家姐還是細妹，他笑指女方其實是女友：「有啲人好識講嘢，話好靚女，有啲就話嚇死人心都寒埋。（女友睇完片咩反應？）佢好開心，連續睇咗十次條片。」