星級戀人Sweet真人騷

「皮」氣情侶

陳智燊（Jason）和宋熙年今年底拉埋天窗，宋熙年今日更以準人妻身份，與Jason共度情人節，日前他們以情侶皮褸look拍拖到西九龍一商場撐枱腳，醫肚後兩人到商場的客戶服務櫃枱蓋停車場飛，眼利的宋熙年見到記者，即通水給Jason，於是齊齊笑晒打招呼，又十指緊扣讓記者拍照。問婚禮事宜是否順利？宋熙年只甜絲絲望着未婚夫，留給男方發言，Jason透露已積極籌備婚禮，但說到置業築愛巢，他說：「仲未買到樓呀！咁貴買唔起，我都要努力吓先喇！」

出巡睇畫

港姐出身的歐陽巧瑩與「木偶哥」林師傑日前拍拖現身銅鑼灣，見兩人手拖手於鬧市遊街，途經商場畫展時，又停步欣賞靚畫，及後林師傑還陪女友往名店睇衫，期間有商有量，但最終「混吉」走人，轉往附近食店撐枱腳。

笑氹老婆

林曉峰（阿Lo）日前與老婆康子妮現身西九商場行街，並極速掃下兩大袋戰利品，兩公婆一人拎住一袋到餐廳醫肚，期間在門外等位時，阿Lo發揮搞笑本色，與老婆邊傾邊等，言談間多次氹到老婆笑笑口。

出巡睇畫	笑氹老婆	拍拖買衫

拍拖買衫

王敏德女兒王曼喜與外籍女友Lia拍拖到中環shopping，期間曼喜拿起外套給Lia挑選，但Lia唔多合心水，即時嘴扁扁，轉頭她們又揀其他襯衣，不足15分鐘已滿載而歸，排隊付款時曼喜被Lia氹到冧爆甜笑。