陳凱琳情人節有「煮」意
陳凱琳與梁烈唯前晚錄影無綫節目《Sunday好戲王》挑戰演技，問到陳凱琳容易喊嗎？她說：「我麻麻哋易喊！（屋企練習？）冇！呢Part幾難，節目咁開心，但突然間要你收起情緒，自己抱住開心玩嘅心情去做。（嘉穎教路？）叫我盡情去玩。（情人節點慶祝？）未諗，諗咗新年先。（買禮物未？）未買，想特別啲或者親手整，一份可以戴、一份可以食，或者會學煮中餐。」
而早前因患眼疾「中漿病」而接受手術的梁烈唯透露視力已恢復八成，開始戒夜瞓與咖啡以減低復發機會，講到要40秒內喊出眼淚，他說：「對我嚟講係終極難關，屋企有試過，40秒只能夠眼濕濕，但唔會投降！」
