黃榕恨嫁寧願貼仔

性感女星黃榕昨日身穿低胸和服晒事業線，與「綠魔」Karl（許嘉浩）到日式食肆出席活動，黃榕透露去年跟Karl等朋友食團年飯，被對方食量嚇親：「九個人食咗我三萬幾蚊，Karl好食得，所以食放題可以控制到Budget！」Karl笑她請食飯都計過度過，黃榕表示要儲錢買樓，希望可遇到真命天子買新居，但暫時仍是單身：「新年開始有壓力，屋企人成日話親戚啲女都結晒婚，我都想盡快要個靚仔、大隻、風趣幽默男友，養埋佢都冇所謂，唔排除今年閃婚添！」Karl表示內地近期流行「一日男友出租服務」，笑言可為黃榕找個一日男友應付家人。