黃翠如震住出嫁蕭正楠心痛

藝人黃翠如、蕭正楠（Edwin）、黃宗澤（Bosco）及張繼聰等，昨日在淺水灣拍攝無綫新劇《幕後玩家》的婚禮場口。分別穿婚紗及禮服的翠如和Edwin表現得相當尷尬，提及兩人拍畢結婚戲會否找到感覺，日後結婚更順利？翠如怕醜把咪高峰遞給男友，Edwin即笑說：「你平時講嘢好叻o架？結婚一生人一次，唔好喺場戲就經歷咗，不過我哋都會專業演出。」問到他們希望何時結婚？Edwin笑言未知；翠如則稱當今次是預演及影婚照。

打「小三」黃宗澤

問到二人心情如何？身穿露肩婚紗的翠如直言只感到好凍，Edwin就讚女友好靚：「佢就淒涼，露晒肩咁！（你心痛？）但咁着又好睇。」翠如又表示劇中與Bosco有親密戲份，問到Edwin會否呷醋？他戲言已向Bosco「動粗」：「打咗佢啦！劇中我同佢係好兄弟，但佢搶走我老婆，所以拍咗場兄弟爭執戲份。」

整傷肋骨的黃宗澤要媽咪幫手攝太歲，左為張繼聰。	不用埋位，黃翠如即披上外套。	莊思敏（左起）、糖妹和孫慧雪拍攝觀禮場面。

張繼聰睇好白只

同場的Bosco表示因犯太歲而不停受傷，繼早前頸骨移位、手肘受傷後，昨日在浴室滑倒而撞傷肋骨，故直言要媽媽幫手攝太歲，他又大爆與劉佩玥有多場激吻戲，稍後要給機會對方發揮。張繼聰則提到入圍金像獎「最佳男配角」，他感到十分開心，當時第一時間致電導演張家輝報喜，他又稱睇好白只得獎。

文：影視組