張智霖坐主家席擲六位數抽獎

蕭定一成立的「中國3D數碼娛樂有限公司」昨晚假金鐘筵開39圍，舉行慶祝成立4周年晚宴，並即場與模特兒公司Starz People進行合作簽約儀式。晚宴主題為「周星馳電影經典造型」，眾藝人悉心打扮到場，當中王宗堯扮唐僧，張建聲扮食神，何浩文扮豬肉佬，莊思敏扮包租婆等，其中以《家有囍事》張曼玉造型現身的鄭欣宜最搶鏡，她對是晚造型大獎虎視眈眈：「對任何獎都有信心。」身在倫敦度蜜月的胡杏兒提早拍祝賀片段在現場播放。

「我至高境界」

Chilam與靚靚壓軸亮相，不過二人卻沒有「扮嘢」，Chilam笑着解釋：「我至高境界，連《國產凌凌漆》女主角都帶埋嚟，冇人夠我嚟。（忙緊內地綜藝節目演出？）係，遲啲仲要再去西班牙拍。（謝天華喺內地真人騷飲尿。）太激進我應付唔到。（有咩一定唔肯做？）未知，煮到埋嚟先算，飲尿並非易事。」他又透露預計拿6位數作抽獎：「阿一話我攞幾多，佢攞雙倍。」

正沐浴愛河的陳瀅穿露背裝現身。	周秀娜的頭飾很搶鏡。	蕭定一率眾藝人祝酒。

早前因電影工作搞到不咬弦的王宗堯及莊思敏被安排坐同枱，開席前二人分別受訪，王宗堯謂：「今晚我係唐僧，會同人講阿彌陀佛，enjoy enjoy。（要求調位？）唔會，唔通要調公司咩？我本善良。（斟茶畀莊思敏？）上契？（畀佢下火？）唔使嘞。（同佢打招呼say hi？）say no就真，同佢講阿彌陀佛。」

莊思敏拒破冰

莊思敏則謂：「冇特別感覺，唔會同佢（王宗堯）傾偈，更唔會合照，我好決絕。（仲嬲？）梗係，係放低咗件事，但唔使同佢破冰。（張建聲話做和事老。）叫佢唔好咁多事。」

文：影視組