戴凱欣信男友唔怕因財反目
四洲太子女戴凱欣（Kennis）與男友樊林爽昨晚出席餐廳開幕，Kennis坦言不怕與男友為錢反目，揚言對男友十分信任，不介意情侶檔合作做生意。
戴凱欣（Kennis）旗下的餐廳昨晚開幕，男友樊林爽（Justin）全程陪伴在側，獲名模琦琦、馬詩慧與長女王曼喜、黃佩霞、周國豐夫婦等好友捧場，場面熱鬧。Kennis透露前一天也有開幕活動，並機緣巧合下邀得有「日本魔術界木村拓哉」之稱的Cyril Takayama即場表演及晚膳，面子十足，她說：「我哋嘅餐廳另外有駐場魔術師表演。」
問到Justin可有趁機向Cyril偷師以便將來用魔術作求婚？Kennis即時代答：「冇，太勁，佢係世界級。」至於會否考慮跟男友合作做生意？她坦言未去想，問二人是否財政獨立？她笑言：「未諗，希望將來佢嘅錢等於我嘅錢，哈哈！（怕為錢有爭執？）以前會咁諗，其實同任何人合作都有呢個機會，但同男友仲好，大家有個信任喺度。」至於農曆新年，她表示會留港陪家人，之後與男友到上海，跟男友的父母拜年。
琦琦港澳捧麥當娜
至於琦琦興奮表示將在澳門及香港欣賞樂壇天后麥當娜演唱會，老公任達華早已買了十張門票，可惜女兒沒有興趣：「諗住預埋囡囡睇，點知囡囡話唔睇，麥當娜唔係佢年代，不過，佢嘅騷會有少少粗口同有啲動作，可能未必啱小朋友，但我哋好開放，小朋友應該見識多啲，但要話畀佢哋知，未到佢嘅年紀講。」
馬詩慧潑老公冷水
另外，馬詩慧被問到情人節如何慶祝，她坦言不會由自己安排，指老公為人浪漫，但常被她潑冷水：「有時佢送花畀我，我會話送乜鬼，畀現金好過。（令佢失望？）我有時都幾衰，奈何我係咁嘅性格。」
文：名人組