子羚拍姊妹開騷 李施嬅雪卵獻聲
姚子羚與許廷鏗昨於將軍澳出席活動，許媽媽更到場支持。許廷鏗直言入行後與家人有更多溝通，媽媽更成為其財政大臣。談到李施嬅日前在社交網貼上鑽戒照，指「胡說八道會」有喜事，胡說八道會成員子羚否認：「係單立文送咗隻戒指畀胡蓓蔚，（有人有喜事？）唔係。」
子羚又提到胡說八道會有意搞演唱會，不過要時間計劃：「係胡定欣提出，不過胡杏兒依家飛咗，呢件事涉及好多人，要開會傾。（賣飛？）應該係，有初步諗地方，策劃緊。」
向男友道歉
而李施嬅昨到馬鞍山出席賀年活動時，亦指自己在社交網說的喜事是胡說八道會要開騷，喜歡小朋友的她，直認考慮「雪卵」將來生BB：「其實我呢幾年係適合生小朋友嘅，但我要專注工作。」她笑言即使男友想生也沒辦法，要向對方道歉，問可有想過男友湊仔由她工作？她說：「唔得，大緊肚做唔到嘢，停幾個月我都唔想，雪咗卵大家都無壓力。」
文：影視組