祥仔新春「出宮」同黃宗澤爭口碑

黎耀祥、蕭正楠、黃宗澤及汪明荃等前晚錄影賀年節目《保良金猴賀新春》，祥仔主演的新劇《公公出宮》年初二首播，他表示近日要忙於宣傳，故今年不會外遊，並有意約同劇演員一起吃開年飯兼拜年。

演繹秋官歌曲

問對新劇收視可有期望？祥仔謂：「不嬲都冇乜信心，但就好睇個市場，到時觀眾出埠都冇辦法，依家科技咁發達，都可以上網睇番，最重要係口碑！（有冇收視承諾？）冇喎，不嬲都唔重視承諾，呢啲當食生菜。」

祥仔在節目中與汪明荃合唱，並演繹鄭少秋歌曲，問可有困難？他謂：「盡力做，有啲難度，秋官有瀟灑身段。之前同汪明荃合作過，大家個key又夾。」

Bosco透露新年會留港陪家人，順道為新劇《警犬巴打》宣傳。談到收視，Bosco笑指剛巧有祥仔孭飛的劇集同時播出，自然令壓力增加，問預計收視？他笑謂：「愈高愈好，不過幾難估，唔知新年會點，如果出晒埠咪睇口碑。」

曾演黃宗澤母親的汪明荃與「兒子」相遇。	蝦頭扮徐小鳳很神似。	陳庭欣（左）和王君馨以汪明荃的「熱咖啡」造型現身。

獲數千人邀約

單身多時的Bosco坦言情人節要於工作中度過，笑言已於微博呼籲大家約會他：「其實係幫自己舖頭宣傳，依家有幾千人約我，但真正嗰啲就未有人約，我好多朋友都有家室喇。」

文：影視組