苦等兩粒鐘 莊思敏夜店「膊」埋身
藝人莊思敏昨日谷胸上陣，與苟芸慧出席商場活動，對於昨日凌晨時分於夜店野生捕獲韓國天王Rain，莊思敏仍回味非常。她透露因出席春茗飯局錯過欣賞偶像演出，但期間亦抽中現金獎三千蚊，笑指春茗期間仍不斷追問朋友有關偶像行蹤，經報料下即聯同妹妹思明、思華及王子涵到夜店喪等兩粒鐘，最終如願拍照，她謂：「我成個頭放咗喺佢膊頭，不過selfie張相因為畀工作人員按低隻手就矇咗，但我會搵番大會攝影拎相，同即時新聞嘅相已經save晒！」
而前晚適逢有份演出的電影《導火新聞線》煞科宴，莊思敏表示因要出席春茗才未有現身，並非避免與「死敵」王宗堯碰面而甩底。談到其公司將舉行晚宴，她更一手包辦「最乖女演員」所有入圍，莊思敏笑謂：「有問老闆要唔要準備致謝詞，佢就話到時就知。（到時第一次見王宗堯？）係呀！」
