張繼聰孭起頭家 捱到變黑柴

謝安琪（Kay）老公張繼聰昨日接受電話訪問時，對於太太暫停工作休息一年，他表示舉腳贊成：「其實阿Kay休息呢件事，我知咗好耐，最緊要佢開心同身體好。（太太有病？）唔係，佢ok，面色紅潤。我先至又黑又乾因為近期開劇，依家仲喺飛鵝山吹緊風，我覺得吹得好舒服。」
Man爆的張繼聰舉腳支持太太停工，直言孭起頭家男人有責。
Man爆的張繼聰舉腳支持太太停工，直言孭起頭家男人有責。

問到太太停工，家庭負擔由他孭起可感辛苦？他Man爆謂：「唔覺辛苦，做男人就係要孭起頭家。我鍾意做嘢，覺得依家有工作好幸福，唔通日日匿喺屋企好咩？」他又指跟Kay不是大花筒，經濟狀況良好，又指Kay就算休息都好忙，皆因她是歌手外亦是家庭主婦，更趁機大讚太太：「佢對頭家照顧得好好，對仔對長輩照顧周到，對我亦好好服侍。」

張繼聰最近與好友白只入圍《金像獎》爭男配。
  • 張繼聰最近與好友白只入圍《金像獎》爭男配。