蔡加讚爸爸變老公冧到暈

蔡加讚的太太汪圓圓於本月18日誕下一對孖仔，榮升第二任爹哋的加讚並沒有因此而忽略對長女Celine的照顧，昨日他就日帶同一歲零五個月大的女兒Celine到公司巡視業務以及跟同事一起飲茶。

翻版圓圓開心果

Celine樣子激似媽咪汪圓圓，是BB版圓圓，她非但不怕陌生人，更經常笑，猶如開心果一樣，又懂得做「happy」、「angry」、「sad」同「surprise 」的表情，逗得大家非常開心。小Celine表現十分乖巧，全程沒有扭計，且很愛吃，幾乎吃不停。加讚在女兒面前則慈父上身，陪囡囡玩及餵食生果，他還負責翻譯囡囡的BB話。

蔡加讚笑言想生多個女，但又怕老婆辛苦。	汪圓圓日前誕下一對孖仔，加讚榮升第二任爹哋。	汪圓圓

對於有說女兒是爸爸的前世情人，加讚說：「係喎，佢會叫我老公(口架)（學圓圓叫加讚），不過有時會發唔到『老』字個音，叫(口左)公公。」而小Celine這天相當搞笑，車輪轉地叫加讚「爸爸」和「老公」，冧到爹哋暈。

下胎有機會打孖

加讚又表示這次是他第一次自己帶女兒出來，他說：「圓圓好緊張，不停傳訊息畀我問個女乖唔乖，有冇食(口野)，佢知道個女咁乖就讚囡囡表現好。（會唔會再追？）生多個我有咩所謂，係唔想圓圓辛苦，如果生我想生女，屋企太多仔，醫生話下胎好大機會係twins，有十幾%機會係。」加讚透露農曆新年不會出埠度歲，想圓圓休息多些。

文：名人組