小儀保守派玩地下情

阮小儀因劇集《愛情食物鏈》人氣飆升，今期《好報》踢爆小儀有樓有車養番狗，更是車仔麵店老闆娘，名符其實是圈中隱形小富婆。小儀計劃一擲千萬再置業，準備換新車，談到擇偶條件，小儀直認冧彭于晏這種男神。小儀的好拍檔森美知道小儀套劇收視好好，也替對方開心，提及小儀是隱形富婆，森美說：「我知呀，（佢有錢冇男友！）所以叫佢唔好搵咁多，搵少啲，否則冇男仔埋身。」小儀指過往男友是被記者嚇走，森美就覺得不關事：「如果真係鍾意，上天下海都得，佢啲思想好似成龍、徐小鳳年代咁，認為拍拖唔好畀人知，邊有可能。（佢鍾意彭于晏呢類？）佢有講過，但我冇呢啲朋友，唔使我介紹啦，佢依家講出嚟，彭于晏都撲出嚟追佢。」