蕊蕊嫌金剛悶 冇眼睇
藝人陳蕊蕊、李美琪及劉依靜（Ruby）等，昨日出席尖沙咀3D照相館活動。蕊蕊受訪時笑稱見男友金剛見到悶，還自稱EQ高見金剛與小儀劇中親熱並不尷尬：「暫時未有嘢接受唔到，可能佢愈來愈紅，到時嗰啲，到時先算啦！（小儀Dry咗五年？）我見佢身邊都有好多男性朋友吖！我又唔覺得佢好似報道講咁唔開心，見佢平時都好開心，唔信佢有抑鬱。」
至於早前介入周永恒和趙頌茹婚姻的小三Ruby，亦直認覓得圈外商人新歡，形容當時與周永恒拍拖似跌入黑洞。而李美琪就自認為拍MV努力減肥，望4天內減10磅。