何倍倩怕脫節重返校園搵自信
名媛恒生新抱何倍倩早年創辦瑞士護膚品牌，多年來在商界發展理想，更成功打入美國市場，但近日竟然自覺脫節，決意重返校園進修商科。
恒生已故創辦人之一何善衡的男孫何乃斌（Terrence）太太何倍倩（Anina)，是社交界出名名媛，亦是美容界的翹楚，在商界立足多年，早年她創辦瑞士護膚品牌Zensation，並順利於美國大百貨公司上架，2011年更獲北京頒發傑出女企業家獎，近年她發覺自己已慢慢與社會脫節，遂決定修讀商科博士，自我增值，她說：「睇住社會變咗，慢慢發覺自己嘅網上銷售生意愈來愈好，人嘅消費模式唔同咗，好多客鍾意透過上網和email問嘢，開始覺得自己有少少脫節，（邊方面脫節？）覺得自己樣樣都甩甩哋，上堂聽唔明同學嘅言論，同小朋友讀書先發覺學校加入好多電腦元素。我第一日上堂，之前專登買咗本好靚嘅記事簿和筆，入到班房全部人都用iPad上堂，嗰刻好驚，覺得自己真係脫咗節。」
何倍倩指曾看過一篇文章，講到當你覺得年輕人做事急進又魯莽，就代表已經脫節，令她印象深刻，她更擔心將來與子女有代溝，故今年她修讀了著名學府英國Saint Martin's的「Arts and Culture Enterprise」為期兩年的博士課程，希望從中重拾自信。這是一個集商業管理、文化和藝術的課程，由於課程是香港與英國同步進行，每周在家以視頻上課，而每隔三星期，英國的老師便會飛來港密集式授課。
兒子鼓勵快啲讀
何倍倩又指自己求知欲好強，而夫婿對於她再讀書亦大表支持，兒子更鼓勵她，成為推動力，她笑說：「不嬲我叫大仔讀書，成日同佢講快啲讀，依家同佢一齊讀書，佢反過來叫我快啲讀。」
文：名人組
場地：Le Cleret